西維爾撲飛搏殺格

猪拉多纳

26/03/2012
文： 法達斯維

今季令人失望的西維爾，如果想拿番個進軍歐洲賽嘅安慰獎，今晚作客CF格蘭納達就不容有失，論實力都係西維爾高啲，平手盤咁筍，點可以錯過。


（周二凌晨3時開賽）


○六、○七年連奪兩屆歐洲足協盃嘅西維爾，近年卻逐漸沉淪，主帥由榮譽滿身嘅桑迪拉莫斯，到占美尼斯、文沙奴、馬些連奴等土帥，真係一蟹不如一蟹，季中換來前基達菲教練米高。作為前皇馬名宿，米高嘅執教作風偏向保守，復用老將柏立、簡路迪以穩定軍心，雖然成績未算突出，但算係止跌回穩。

誓爭歐霸盃入場券

當然西維爾的殺着，仍係幾匹快馬捷西斯拿華斯、雷恩斯、柏洛迪同迪摩奴，尤其係迪摩奴，由於佢之前打過基達菲，米高深知舊部在快速反擊時嘅威力，讓佢充當影子前鋒，配合捷西斯拿華斯同雷恩斯交叉走位，令對手防不勝防。西維爾本身質素唔曳，佢哋依家與歐霸區域相距只得四分，面對實力次一級的CF格蘭納達，仲唔係搶分良機？唔使讓波梗係撐客軍啦。