AC主場惡巴塞讓波有隱憂

猪拉多纳

26/03/2012
文： 阿水

嚟到3月尾，北歐國家嘅聯賽相繼開鑼，唔少老友問阿水，呢類三線聯賽多唔多蠱惑嘢，以前芬超出過事，最後連足智彩都決定唔開盤，阿水只有奉勸大家，小賭怡情當玩吓算數，賭大錢始終可免則免。


上個星期先有挪超開波，今個星期就輪到瑞超，其實呢類聯賽開波時間同歐洲主流聯賽分別唔大，但係球隊資訊始終唔多，阿水搵過啲大莊收風，發現彩池其實相對有限。不過咪以為彩池細就一定冇人搞，阿水始終相信有錢搵嘅地方，就會有人出蠱惑，你買大多少又會郁到個盤，莊家睇到唔殺你，唔通食穀種咩？

皇馬上盤有買趁早

講番周中波，焦點自然係歐聯8強戰，AC米蘭主場對巴塞隆拿肯定好有戲睇，主隊周日凌晨2:1砌低羅馬，射手伊巴謙莫域包辦兩球腳風大順，就算話有中堅堤亞高施華傷出，對巴塞未必踢得，都未必輸實。始終AC係大賽球隊，聖西路威力都唔可以睇小，巴塞作客讓波多，有多少隱憂o架。仲有場皇家馬德里作客尼科西亞，出面吹晒風上盤冇人敢接，個盤將會愈開愈辣，上盤真係有買趁早呀！