國米新帥打鐵趁熱

猪拉多纳

01/04/2012
文： ComboKing

今輪意甲焦點當然落喺國際米蘭身上，佢哋剛炒咗教練雲尼亞里，改由青年軍教練施特拉馬斯安尼領軍，呢位三十六歲少帥首仗出擊，當然想做齣好戲，博下季坐正。國米今晚主場對熱拿亞，主勝偏熱僅1.5倍，似乎莊家都信「新帥效應」，主W可作過關之選。（周日晚9時開賽）


國米自莫連奴離隊後，成績每況愈下，阿King認為主因係一班球星奪三冠王後，已失去飢渴感，施帥之前身為青年軍教練，培訓一班子弟兵，佢日前就召入幾位小將同一隊跟操，可望為國米注入新力量，亦可令老臣有危機感，唔敢再揸流攤，否則隨時飯碗不保，相信餘下賽事都落多幾錢肉緊。

熱拿亞作客腳軟

熱拿亞狀態頹爆，近八場作客輸七場，包括早前意大利盃輸畀國米，今次再去到聖西路球場比賽，更加難樂觀。


另外，卡利亞里主場對阿特蘭大，阿軍相當硬淨，近八場未輸過，受讓要「讓球客勝」。而費倫天拿主場對基爾禾，費倫持續低迷，讓唔起基爾禾，同樣要「讓球客勝」。