波童另類創富坊

猪拉多纳

01/04/2012

首名入球


推介︰史美斯


今日有四場賽事開設「首名入球」，頭號心水係澳職珀斯光輝前鋒史美斯。澳職已經打到季後賽階段，今日珀斯光輝及墨爾本雄心勝方，將會同威靈頓鳳凰角逐一席決賽席位賽資格。今季常規賽三次碰頭，珀斯光輝取得兩勝，史美斯除咗個人射入三球，同時兩場都係首名入球球員，呢名射手上周於最後一輪常規賽對墨爾本勝利食出大四喜，腳風順到不得了，「首名入球」點可以唔預佢！（有線64及204台周日下午5時直播）


第一隊入球


推介︰鳥取飛翔


日乙鳥取飛翔主場對湘南比馬，鳥取飛翔頭五輪聯賽雖然只得一勝，不過當中有三場先開紀錄；湘南比馬排榜首全憑強大進攻火力，攻入十三球為日乙之冠，但其實佢哋防線演出不算太穩定，頭五輪聯賽場場有失波，對京都不死鳥及熊本羅亞素都係失波在先，第一隊入球「主隊」有2.65倍值得一試。（周日中午12時開賽）

總入球

推介︰桑恩達4球

挪超桑恩達主場對漢福斯，兩軍都喺挪甲打滾多年，大家熟晒路數，兩軍交手成日都好多開大，過去十次對碰有七次開大，如果只計最近四次交手，都有三次開大，仲全部係總入球「4」添，咁啱得咁橋，桑恩達升上挪超後首戰對奧特格寧蘭又係大勝四比○，今場不妨追多鋪。（周一凌晨零時開賽）

單雙

推介︰利亞拿單

至於單雙方面，就睇中一場葡超利亞主場拿對士砵亭嘅單。士砵亭近八場開咗七次單，利亞拿都唔弱，近五仗亦有四次開單，同佢哋鋒力疲弱有關，經常贏輸都係一球上落。睇埋對賽紀錄，利亞拿近五次主場對士砵亭，全部開單，既然咁好路，個單仲有1.9倍，值得跟進。（有線155台周一凌晨1時15開直播）

大細

推介︰里爾細

大細推介法甲里爾主場鬥圖盧茲細盤，排第三嘅里爾目前以三分領先第四位嘅圖盧茲，今仗勝負關乎來季歐聯參賽資格。里爾今場唔輸都有着數，相信未必會敢於搶攻。圖盧茲近九場聯賽有八場開細，當中近六場保持不敗，有五場保持唔失波，防守穩健。再睇埋雙方近六次碰頭，總入球從未試過多過兩球，捧細盤。

（now 633周日晚11時直播）

半全場

推介︰哥登堡客客

新一季瑞典超開咧，西里安斯卡於季前已視為降班熱門。上季西軍僅僅護到級，本季仲賣走不少主力，首輪對哥登堡有主場之利亦被睇淡。哥軍成功留住超級射手希臣，預料今晚可贏波。上季球隊聯賽作客六勝，五次開「客客」；而西軍五場主場敗仗，四次由頭輸落尾，追「客客」。（周日晚11時30分開賽）

半場主客和

推介︰羅馬半場勝

意甲羅馬主場對路華拿，兩隊實力懸殊，而且羅馬「西班牙化」改革後，踢法搶韁，相信上半場已經可以取得領先優勢，半場主勝1.7倍抵玩。羅馬正爭奪下屆歐洲賽入場券，即使上仗作客榜首AC米蘭，都領先上半場，連續三仗開出半場勝，射手奧斯華度近期當弗，近兩場為羅馬先開紀錄，路華拿防線好難抵擋得住呢位力量型中鋒。（周日晚6時30分開賽）

讓球主客和

推介︰櫪木SC「讓球主勝」

今次「讓球主客和」推介場日乙賽事，櫪木SC主場對千葉市原，市原向來主強客弱，上季受到客場成績拖累未能升班，新季仲未改善呢個問題，球隊本季聯賽主場全勝，但作客兩戰不勝，而且一球都入唔到，反差好大。

不過，由於市原本身名氣好大，所以今場作客櫪木仍然要讓波，翻查往績，市原近兩次作客櫪木都贏唔到，毫無優勢，實在信唔過，要「讓球主勝」！

（周日中午12時開賽）