慕遜發「威」爭歐聯入場券

猪拉多纳

01/04/2012
文： Sherry

嗚！今個禮拜小妹要幫公司搞個Job Fair，雖然心情既緊張又興奮，不過時間勁唔夠使，唉！諗番起舊年呢個時間，小妹啱啱Grad嗰陣，係就係前路茫茫，但可以日日陪住屋企人，無憂無慮，好開心好幸福！


算啦，人總要成長嘅，都係唔好成日諗以前o架啦！今晚德甲漢諾威主場迎戰慕遜加柏，小妹會撐客W！慕遜係德甲老牌班霸，雖然近年淪為護級分子，但佢哋冇成日掛住以前風光嘅日子，反而積極自強重用新秀，家陣慕遜做緊德甲4哥，好有機會獲得來屆歐聯入場券，戰意爆燈！相反，漢諾威要兼顧歐霸盃次回合賽事，今仗攞正牌出二打六，邊靠得住呀！

Sherry靚盤：慕遜加柏（勝）

百足咁多爪嘅大學生，熱愛運動，最鍾意同啲Friend唱K兼睇波，曼聯中場路爾斯安達臣同車仔前鋒費托都係佢杯茶！