升班6分波杜塞爾多夫玩大佢

猪拉多纳

02/04/2012
文： ComboKing

當大家密切留意歐洲四大聯賽爭標形勢嘅同時，各乙組賽事爭升班亦進入大直路，今晚德乙上演爭升班「六分波」，由「三哥」杜塞爾多夫主場對「老四」聖保利。兩隊只相差兩分，勝負足以扭轉整個局面，尤其係處於落後嘅聖保利，更加要搏命，預料作客都會照搶攻，阿King睇好開大。（周二凌晨2時15分開賽）

德乙頭兩位嘅直接升班資格，基本上已落入法蘭克福同格雷特霍夫之手，餘下一個升班附加賽席位屬於杜塞爾多夫、聖保利及柏達邦之爭。換言之，如果杜、聖兩軍今場打和，只會益咗柏達邦，所以兩隊都會以三分為目標，冇得保留。


法乙南特主攻士哥多


法乙方面，南特主場對特魯瓦，排第四嘅特魯瓦要爭入前三升班區，亦不容有失，球隊近期踢法相當進取，可謂有前冇後。南特主場表現佳，好大機會可以入波，入球大亦值博。另外，荷乙FC燕豪芬主場對多德勒支，主隊水準跌Watt，多德勒支作客表現硬淨，寧揀入球細