中日王者大對決

猪拉多纳

04/04/2012
文： 蘇豪

亞冠盃死亡H組有場上季中日王者對決，日職冠軍柏雷素爾主場對中超冠軍FC廣州（廣州恒大），柏軍今季主場火力極強，三戰轟入十球，絕對唔講得笑！廣州擁有恐怖進攻外援團隊，作客一樣有本錢入波，兩軍為爭出線冇得保留，實會鬥攻，捧大！


（now 671周三晚6時直播）


柏雷素爾今季要兼顧亞冠盃，整體發揮稍為跌Watt，主、客場表現落差甚大，球隊今季三場作客賽事輸晒，明顯走樣，不過大軍於主場仍能保持水準，今季三戰不敗，合共轟入十球，包括於亞冠盃以五比一狂數全北汽車。巴西中場李安度杜明基斯處理死球極具威脅，其同鄉佐治韋拿亦屬善射之人，唔使擔心球隊進攻火力。

FC廣州外援火力猛

FC廣州大灑金錢擴軍，目標係稱霸亞洲，今屆被編入H組，本來以為有隊泰國魚腩武里南聯任o趙，點知上次主場爆冷不敵武里南聯，令人大跌眼鏡。廣州外援達里奧干卡、克萊奧同梅利基同樣有級數，呢個進攻鐵三角威力好強，經過上輪意外輸波後，今次球隊唔敢再大意，若能踢出作客大炒全北汽車嘅水準，有條件同柏軍鍊過！


睇番目前分組賽形勢，泰國奇兵武里南聯兩戰兩勝居首，柏雷素爾同FC廣州各得三分位列二、三，兩隊同樣要爭出線，今次絕對唔衰得，大家都會施展渾身解數爭取士哥，大盤係投X首選。