弗爆尼馬孭飛 山度士唔赦國體會

猪拉多纳

04/04/2012
文： 亨格比利

聽朝繼續有南美自由盃玩，當中A組會爆發巴甲內訌大戰，由國際體育會主場硬撼小組一哥山度士。尼馬最近着晒火兼打破羅賓奴嘅入球紀錄，近年又食住國體會喎，難得今場有得受讓，1.8倍「讓球客勝」當然要捧。（有線61及201周四早上8：50直播）

國體會狀態唔掂往績曳

山度士呢排喺州聯賽贏到開巷，早排大炒阿美利加拿場波，「新球王」尼馬就大演帽子戲法，累積為球會射入95球打破羅賓奴紀錄，成為山度士近20年嚟嘅「士哥王」。


已經喺今屆自由盃攻入4球嘅尼馬，日前終於走出嚟開腔話唔赦南美球隊嘅粗野攔截踢法，並強烈否認離隊傳聞，對山度士嘅陣營士氣，當然有正面影響啦！


今戰山度士嘅對手國體會，家陣暫列A組次席，上輪造訪強者幾經辛苦先逼和對手攞番1分，近期喺州聯賽對住名不見經傳嘅拉傑丹斯都要失分，及後亦只係險勝卡諾阿斯RS，狀態睇落真係麻麻。睇埋往績，呢支「巴甲紅軍」近5次對住山度士都未贏過，今次憑乜嘢學人讓波先？


自由盃A組

亞冠盃及自由盃賽制：

32隊分8組進行雙循環分組賽，每組首、次名躋身16強。