廣州齊心力抗柏雷素爾

猪拉多纳

04/04/2012
文： 走肖

日職冠軍對中超冠軍！亞冠盃H組今晚爆中日大戰，柏雷素爾喺主場對FC廣州（廣州恒大），讓平半冇着數，因為柏雷素爾後備陣容勁削，李安度杜明基斯連踢7場正選隨時腳軟，恒大安排在日留學生打氣，夠決心撐下盤！（now671台、廣東體育及中央5台周三晚6：00直播）

柏雷素爾唔夠腳雙線作戰

兩隊都係兩戰得3分，今季柏雷素爾主要只係簽入櫪木SC射手列卡度盧保同磐田山葉隊長那須大亮，陣容唔足夠兼顧日職同亞冠盃，王牌李安度杜明基斯冇得抖，鐵人都唔掂。事實上，柏雷素爾射手田中順也同後衞近藤直也剛啱好番，日前對磐田嘅聯賽都要焗踢正選，可想而知佢哋人腳幾咁唔夠使。

廣州使60萬叫留學生打氣

被足智彩稱為FC廣州嘅廣州恒大，勝在錢多，史上首次出戰亞冠盃作客以5：1狂勝韓職總冠軍全北汽車，全隊袋走1,500萬人民幣獎金。雖然恒大上場分組賽喺主場以1：2不敵泰國嘅南武里聯冇晒面，但呢場依然有600萬人仔基本獎金，每個淨勝球另加200萬人仔，咁多錢，係人都搏啦！


同時，恒大用60萬人仔送波飛、午餐同波衫，另加免費交通接送安排1,600個在日留學生打氣，咁大陣仗點可以再衰？再講，佢哋陣中主力中得後衞榮昊養傷，國足成員包括中鋒郜林、中場鄭智、後衞孫祥同中堅馮瀟霆全部踢得，加埋2010年巴甲最佳球員達里奧干卡壓陣，實力強橫，撐下盤穩陣。


亞冠盃H組

亞冠盃及自由盃賽制：

32隊分8組進行雙循環分組賽，每組首、次名躋身16強。