吳定強喜破悶局

猪拉多纳

吳定強馬房今季成績比較慢熱，不過尋日就十分威水，頭場即刻贏隻「喜萬家」，取得季內第七場頭馬，雖然暫時仲未可以擺脫榜尾位置，但總算打破咗自1月18日贏「百利旺」以來嘅悶局。「喜萬家」話晒都係八歲老馬，今季可以贏到兩W，練者保養功夫的確厲害，難怪行家鄭俊偉賽後都猛讚佢好嘢，仲話終於明白點解賴維銘會推莊唔騎「太陽昇」添！
       
喜萬家一放到底，老而未頹。

強哥向來都係有嗰句講嗰句，佢坦言「喜萬家」今場贏得唔算輕鬆，加分升班之後有一定阻力，好在隻馬忠心肯跑，跑兩個馬場嘅一千米又路有專長，相信只要畀多兩分心機好好部署，依然有機會再爭好成績。