韋斯咸大起布里斯托城

猪拉多纳

17/04/2012
文： RICHARD WELBING

英冠名牌球隊韋斯咸名氣極大，早被唔少行家視為升班大熱，球隊上場大勝白禮頓贏得精彩，今輪作客對下游分子布里斯托城備受追捧，個人認為佢哋讓得太多，絕對唔抵玩。布里斯托城要搶分護級，鬥志鮮明，預計會同韋斯咸炮製大量入球，大盤值得留意。


（周三凌晨2時45分開賽）


韋斯咸擁有星級陣容，中場路蘭、麥克盧保及前鋒卡頓高爾都具備英超水平，所以一早被認定為今季升班大熱。不過，呢班波踏入下半季水準飄忽，主要因為後防不穩，所以仍未肯定取得直接升班席位。大軍今次面對布里斯托城讓半一，賽前大批散戶狂捧上盤，其實真係唔抵玩，特別係布里斯托城近期都識入波，玩上盤風險大，捧入球大更佳。

修咸頓搏命必捧

同日次席球隊修咸頓作客彼德堡，修咸頓剛於榜首大戰不敵雷丁，為免畀韋斯咸搶走直接升班資格，今場絕對不容有失。修咸頓都係讓得多，但同韋斯咸最大分別係對手戰意有別，彼德堡依家護級壓力唔大，近期大踢風流波，今次即使受讓都信唔過。