|
|
17/04/2012
文： KIT
歐聯4強激鬥「大」爆發！今屆歐聯四強分子都係名牌勁旅，今晚首回合Day1先有拜仁主場鬥皇馬，皇馬有C朗孭飛火力唔使懷疑，拜仁就放棄德甲留力今場大戰，兩隊咁好火當然支持1.78倍入球大！（有線61、64、201及204、中央5台周三凌晨2：45直播）
睇番今屆8強對旅，一如估計除咗車路士贏得比較驚險之外，其餘都係大熱勝出，足見強弱懸殊，難為柏天尼仲話要將歐聯擴大到64支球隊參賽，怕且到時好多比賽戲碼都會歐霸化，削弱晒刺激性。
拜仁放棄聯賽搏今鋪
講番今晚場波，今屆決賽會喺拜仁嘅安聯球場上演，拜仁若果殺入決賽就會有主場之利，到時即使對手係巴塞都有得鬥，但講到尾都要喺4強過咗皇馬呢關先啦。佢哋一星期前輸畀多蒙特後，已經幾近可以宣布失落德甲冠軍，所以上周末聯賽對緬恩斯成班球員踢極都唔上心，擺明已經將焦點轉到今晚呢場歐聯大戰！
皇馬爭作客入球唔死守
事實上，去到歐聯拜仁表現往往更加穩定，尤其係主場最少入到對方兩球或以上，相信只要洛賓腳風順少少，再加上高美斯、梅拿同列貝利等球星踢出水準，要主場攻入皇馬大門都唔係乜難事。
雖然皇馬始終係普遍球迷睇好嗰隊，但原來佢哋過往12年作客拜仁係未贏過，夠晒邪門！當然以今時今日嘅皇馬搭埋莫連奴領軍，呢個數據或者唔使睇得太重。擅於計算嘅寸王，又點會唔知作客入球有幾重要，正如中場沙比阿朗素都話佢哋唔會因為作客踢得比較保守，反而要力爭作客入球。既然兩隊都咁想入波，入球大當然咪錯過啦！
橫數千軍
拜仁主場交手往績贏晒
‧歷來歐戰主場鬥皇馬錄8勝1和未輸過。
‧今屆歐聯6次主場出擊有5次淨贏對手2球或以上。
皇馬歐聯半場不敗
‧對上22次歐戰造訪德國隊伍僅1勝。
‧今屆10場歐聯都未試過半場落後。
賽制：
歐聯4強採主客兩回合制，今輪為首回合，若兩回合總比數賽和，以作客入球較多一方為勝，若作客入球相同，則在次回合後加時30分鐘，若雙方在加時取得相同數量入球，由作客球隊獲勝，若加時沒有入球，則互射12碼分勝負。
KIT推介：拜仁慕尼黑（入球大）
有線球彩台主持KIT
電郵：soccer64@cabletv.com.hk
PHONE波熱線：1831 678
「歐聯戰略館」開放時間：周二晚10：30至11：45 |
|
金睛卡
发表于 2012-4-17 11:10
变色卡
显身卡