鹿島知恥近乎勇強爆札幌

猪拉多纳

18/04/2012
文： 九叔

乜嘢叫賤骨頭？鹿島鹿角咪係囉。呢支日職傳統強隊响聯賽踢到一劈嘢咁，搞到早個禮拜幾百Fans抗議，畀人剷完之後佢哋班人即刻醒番晒，馬上喺日職開齋，今日响日本聯賽盃B組作客札幌岡薩多，相信又會繼續開W嘞。（開賽時間：周三晚6：00）


鹿島今季真係瘀爆，開咧頭5場只和1場其餘輸晒，搞到班擁躉火都嚟埋，前個禮拜主場1：3不敵紅鑽賽後，成300球迷坐喺看台抗議，逼到啲高層要出去見人道歉，承諾以後醒醒定定，班球迷先至肯散去。唔知係咪咁嚇一嚇，鹿島成隊波醒晒，上星期六就作客贏過FC東京開胡，雖然唔算踢得太好，不過總算執番些少信心返嚟。

札幌開季聯賽未贏過

今日場聯賽盃對札幌，應該係鹿島進一步提升信心嘅好機會，事關對手表現仲曳過佢哋，開季6場不勝得1分，前鋒大島秀夫、內村圭宏養傷之後，改打「4-2-3-1」又完全唔掂，家陣喺日職排榜尾，驚降班好過驚冇盃捧，戰意好成疑問，咁嘅情形梗係博鹿島1.57倍客W啦。


日聯盃賽制：


分組賽由14支無份參戰亞冠盃的日職球隊角逐，分兩組採小組單循環制，每組首、次名球隊躋身淘汰賽。