利物浦回順入球大贈送

猪拉多纳

22/04/2012
文： 麥馬拿仁

季尾冇嘢好爭，大家冇心理壓力，自然容易入波啦！今晚英超利物浦主場鬥西布朗，紅軍近期打順條氣，連安祖卡路爾都打番起，蘇亞雷斯又弗，入波話咁易。西布朗已經上岸，近期入得又失得，遇強郁吓輸三、四粒，今仗捧大啱數！


（有線301及201台周日晚11時直播）


投X利物浦賽事，最緊要估其心態。足總盃殺入決賽後，紅軍士氣升至本季新高，雖然聯賽已冇乜好爭，但決賽於下月五號先踢，目前球員冇晒壓力，遇弱有利發揮。


加上前鋒安祖卡路爾連續兩場轟入奠勝球，有助佢重建信心，「哨牙蘇」亦士哥頻頻，紅軍開賽後必喪攻，相信好快就入波。但另一方面球隊失波數字亦多，近八戰六次開大有迹可尋。

西布朗上岸心散

客隊西布朗現積四十二分，已冇降班威脅，球隊一放鬆就失球如泉湧，近期鬥曼城、紐卡素最少失三粒。不過沙恩朗、奧丹維治亦有威脅，今場捧大最好。