皇拜戰績主場惡晒

猪拉多纳

25/04/2012
文： 車車

今晚歐聯四強次回合，唔知皇馬可唔可以繼喺國家打吡贏巴塞後，再下一城反勝拜仁晉級決賽呢？小妹相信皇馬一定得，翻查雙方對賽往績，兩隊近十次交手，冇一次由客軍勝出。而且皇馬近況又咁好，覺得佢哋可以喺主場大勝拜仁，捧「讓球主勝」！


皇馬首回合喺安聯球場雖然輸波，但好彩有奧斯爾射入一個作客入球，小負一比二，形勢唔差。而且佢哋啱啱喺聯賽去到魯營，全無留力搏盡，真係踢得好，抵贏波兼領先巴塞七分，西甲錦標在望。教練莫連奴打破宿命贏巴塞，身價即時又升咗啦！

撐皇馬「讓球主勝」

相反，拜仁上仗聯賽如果唔係多得雲達不來梅個拿杜，先入波後擺老烏，幫拜仁追和，加埋臨完場前列貝利入波先贏到咋！睇番往績，皇馬同拜仁兩隊近十次對賽，主隊都不敗。拜仁對上一次作客贏皇馬，已經係2001年，成十一年前嘅事，當時拜仁小勝一比○。以皇馬今時今日陣容，近十一場主場又未輸過，加埋上場贏巴塞，球隊士氣戰意必定高昂，今場我撐皇馬必勝，仲要係大勝！