祖記「-1」作客起塞

猪拉多纳

25/04/2012

意甲榜首祖雲達斯未來三場對手都係積分榜最尾嗰三隊，今仗作客榜尾球隊切塞納，話就話切塞納要搶分護級，但因遠離安全線十四分，只係剩番五場，切塞納係唔係仲有心機護級好成疑問。主隊戰意有疑點，今場較為睇好祖記，「讓球客勝」可以捧場。


切塞納其實一直接受祖雲達斯「資助」，唔少球員都係前「斑馬」成員，兩隊關係非比尋常。好似現時一對前鋒梅度及伊亞昆達，以及烏拉圭中場佐治馬天尼斯，全部都係前祖記球員。當年梅度喺車仔衰吸毒，幸得祖記雪中送炭，令球員生涯得以延續。而伊亞昆達及佐治馬天尼斯，曾因膝傷幾乎收山，如非贈醫施藥兼照樣出糧，今日佢兩個都好難再喺球場馳騁。

「舊斑馬」捨身報恩

依家祖記爭標心切，三位切塞納主力係時候報恩，反正切塞納都難以護級成功，主場送上三分都冇相干。再講，若然切塞納降落乙組，仍可得到祖記呢類大球隊支持，送呢三分就抵到爛啦！