巴勒莫快馬加鞭

猪拉多纳

25/04/2012
文： RICHARD WELBING

意甲每逢季尾例牌有唔少低水和波賽事，巴勒莫今輪主場對帕爾馬，兩隊現時同得41分仲未上岸，莊家低開和波賠率至2.65倍，唔代表呢場係默契波，千祁唔好畀賠率誤導，巴勒莫主場甚具威力，今場小讓平半可秤先！（周三晚９時開賽）


意甲經歷「電話門」事件後，喺莊家同菠菜人士心目中冇晒公信力，雖然近年經過賽會努力經營後形象稍有好轉，但一到季尾就會出現超低水和波，仲要經常開到，呢類默契波都幾常見。唔少菠菜公司怕咗意甲賽事，部分更保守到直頭唔開盤，避免招致損失。

拉素作客曳難讓「路」

今場和波賠率偏低，不過，巴勒莫同帕爾馬目前只係領先尾三萊切六分，連今場尚餘五輪賽事，仲未肯定上岸，絕對唔會放軟手腳「講和」攬住死」。巴勒莫近期主場成績欠佳，主因對手太強，佢哋先後不敵ＡＣ米蘭、羅馬同祖雲達斯等前列球隊，可謂敗不足辱，今次回師主場有機會贏波反彈。


同日下游球隊路華拿主場對拉素，拉素目前位列第三，排名遠高於對手，不過，球隊作客戰績極差，近十次作客輸八場，客場評級甚低，今場作客要讓波，只因名氣較大，實在唔多抵玩，當睇少場！