巴塞無王管個個爭攻奴

猪拉多纳

29/04/2012
文： 法達斯維

哥迪奧拿的巴塞王朝宣布落幕，「地上最強」用乜嘢心態應付最後幾場聯賽，實在係未知之數，今仗遇上好大喜「攻」的華歷簡奴，雙方冇乜包袱下可放開懷抱進攻，大細中位數調至3.5球照捧2.05倍大。（now 632周一凌晨3時30分直播）

當年列卡特話走狂開大

巴塞主帥哥迪奧拿宣布離隊一刻，斯維浮現出前任教頭列卡特當年揮別的情景，亦立即諗起其最後幾仗的唯一印象——大，盡情進攻忽視防守，毫無紀律可言，因此不論贏輸，鋪鋪都大大鑊，這歸咎於內部軍心渙散。雖然與列卡特相比，哥帥算是急流勇退，但一周內失落兩大錦標，難掩陣內的離愁別緒。


儘管美斯話唔會於聯賽投降，反映出他們在進攻上仍會盡力而為，然而爭標機會已名存實亡，核心沙維至少休息兩周，對巴塞的中場掌控必有影響，在呢種冇目標、冇核心的情況下，「地上最強」分分鐘進入無王管狀態，球員未必咁積極搶截，加上中堅碧基缺陣，巴塞的防守難言穩固。


華歷簡奴屬西甲大盤王之一，靠着米捷、米高、達蒙度、迪亞高哥斯達的強大火力，成為該隊提早上岸的主因，坐鎮主場更加唔赦「地上最強」，預計兩軍會合演一場入球騷娛賓，入球大非常抵玩。