卡城強爆韋斯咸

猪拉多纳

03/05/2012
文： 麥馬拿仁

英冠升班附加賽準決賽首回合正式開打，「盃賽王」卡迪夫城主場出擊，又點會驚韋斯咸？卡城連續三年打附加賽經驗豐富，本季五仗主場盃賽又不敗，仲殺入聯賽盃決賽，簡直信心爆棚。「錘仔幫」大將路蘭、加利奧尼爾上陣成疑，平手盤捧主隊！（now 638周五凌晨2時45分直播）


雷丁、修咸頓來季鐵定重返英超，最後一個升班席位，將由韋斯咸、卡迪夫城、伯明翰同黑池競爭。雖然卡城僅以第六名衝過終點，名氣、排面不及第三嘅韋斯咸，但卡城人腳根本唔曳得過韋軍，只係本季要兼顧盃賽，先影響到聯賽成績。


近季卡城班底變動唔大，球隊打份默契已經夠殺，除上兩年都有份踢附加賽外，於盃賽亦屢有佳作，曾打入08年足總盃決賽，本季更成功進軍溫布萊，於聯賽盃決賽僅僅射輸十二碼畀利物浦。卡城主力韋定咸、堅尼米拿等見慣大場面，今次主場出擊絕對唔會因緊張而踢唔出水準。事實上，卡城本季踢盃賽憑主場之利，曾殺敗布力般流浪、水晶宮等取得三勝二和佳績，呢次又於福地應戰，可謂志在必得。

韋斯咸踢守勢波

韋斯咸於季初被捧為升班大熱，但領隊艾拿戴斯大打擦鞋仔波，戰術極度保守，多次於主場被球迷狂噓，最後撈到個附加賽資格，只因為球星眾多，整體戰鬥力唔見突出。加上中場發電機路蘭及悍將加利奧尼爾因傷未必出得，今戰「錘仔幫」必打守勢波，冇條件贏卡城，捧晒卡城平手盤同細盤啱數。