|
|
03/05/2012
文： Mic少
近期日本波頻頻開快車，今日下午又上演多場日職賽事，頭場直播由鳥棲砂岩主場對榜首仙台維加泰。鳥棲砂岩食住新升班氣勢，表現令人驚喜，球隊實施「南韓化」，南韓籍教練尹晶煥為球隊引入多位同胞，增強攔截硬淨程度，有力抵禦仙台維加泰來犯，鳥棲砂岩受讓平半，Mic少要下盤。
（now 633及660周四下午3時直播）
鳥棲砂岩以上季日乙亞軍身份殺上日職，佢哋成功之道在於貫徹推行「南韓化」，教練尹晶煥球員時期曾經喺日職搵食，對當地足球非常熟悉，成功將日本球員技術型踢法糅合南韓機動硬朗風格，令球隊變得剛柔並重。
鳥棲砂岩高效率踢法，喺日職仍站得住腳，尤其係主場憑球迷打氣，往往可以踢出超水準，五場聯賽主場取得四勝一和冠絕日職，所以今仗根本唔怕「一哥」仙台維加泰。睇番雙方以往日乙交手，鳥棲砂岩近兩次主場都贏波，今場仲有得受讓，下盤穩陣。
紅鑽回勇恰水手
另一場直播賽事，浦和紅鑽主場對橫濱水手，紅鑽今季由新帥柏高域執教後，表現脫胎換骨，反觀水手大為退步，作客更未開齋，唔好期望佢哋可以喺紅鑽身上搵到着數，主勝1.84倍可以一試。
（now 633及660周四晚6時直播） |
|
金睛卡
发表于 2012-5-3 10:32
变色卡
显身卡