C朗美斯搶金靴 信皇馬巴塞

猪拉多纳

05/05/2012
文： 山度士

由於西甲冠軍經已塵埃落定，今輪焦點會集中在皇馬、巴塞的作戰心態。新任盟主皇馬作客CF格蘭納達（now 635周日凌晨3時直播），巴塞主場迎戰同市死敵愛斯賓奴（now 632周日凌晨3時直播），將成為C朗拿度同美斯的「金靴戰場」。

皇馬追求100分

來到季尾，球隊戰意決定一切，唔好以為皇馬奪得聯賽冠軍就懶懶閒，其實只要最後兩輪贏晒，積分榜將累積100分，以領隊莫連奴力臻完美的個性，唔會畀球員鬆懈。CF格蘭納達未上岸，但面對鬥心十足、力爭蟬聯神射手的C朗等進攻群，相信難攖其鋒，預計皇馬大勝可期。

巴塞為哥帥主場謝幕

巴塞功勳教頭哥迪奧拿季尾離隊，今次係佢最後一仗於魯營主場領軍，仲要對住死敵愛斯賓奴，一眾弟子都希望以一場勝仗送別恩師，以報其知遇之恩，球王美斯剛打破前西德名宿梅拿單季的入球紀錄，累積68個士哥，但只領先C朗兩球，今場唔會腳軟，相信可協助巴塞大數愛奴，為哥帥完美主場謝幕。