孖堡弗爆大格鬥

猪拉多纳

07/05/2012
文： ComboKing

阿King今次主攻北歐波，重心推介瑞典超，艾夫斯堡主場對哥登堡，今場「孖堡」大戰屬於瑞典西部打吡，兩隊以往碰頭經常擦出火花，出現唔少入球，加上雙方近期狀態大勇，預料會鬥攻爭勝，投X首選入球大。（周二凌晨１時05分開賽）


艾夫斯堡同哥登堡所在城市相距只有六十幾公里，因此兩軍對壘一向打吡味道甚濃，大家都以擊敗對方為榮，踢法特別進取。翻查雙方近十次聯賽交手紀錄，有七次開大，其中六次總入球更達到四球或以上，包括艾夫斯堡上季主場以三比二擊敗哥登堡。


再者艾夫斯堡今季表現大勇，已取得五連勝，高踞榜首之位，更加會挾強勢喪攻死敵。至於哥登堡亦唔失禮，剛取得三連勝，就算贏唔到亦起碼可射破敵方大門，開大機會甚高。

卡爾馬受讓嗒得「洛」

另外兩場瑞典超，加爾斯主場對米贊比，米軍踢法有前冇後，大盤值博。至於奧雷布洛主場對卡爾馬，兩隊水鬥水，奧軍讓唔起對手，捧卡爾馬下盤。