雷恩蒙彼利埃駁火食「大」茶飯

猪拉多纳

07/05/2012
文： 亨格比利

法甲今晚連場激戰，當中「一哥」蒙彼利埃就會造訪雷恩，計秤牌面冇錯係蒙彼利埃高少少，不過相信有跟開呢班波嘅「巴打」，都知佢哋近期表現冇乜霸氣，條防線亦唔係咁穩陣，造訪可以放開懷抱嘅雷恩隨時大把波入，向2.02倍大埋手似乎較明智。（now633台周二凌晨3:00直播）

「一哥」跌Watt不設防

聯賽剩番3輪，蒙彼利埃家陣領先次席嘅聖日耳門3分，要保住榜首地位當然不容有失，但查實佢哋今季作客演出真係好一般，對上6仗有就4場失分，上仗喺主場亦畀伊維恩隊入兩粒，加埋一對中場悍將貝漢達同拉甘比今晚要坐波監，似乎有啲隱憂喎！


主隊雷恩已經無緣爭逐來屆歐聯入場券，高層亦都認為歐霸盃只係雞肋，冇乜心理包袱之下，預期會踢得仲Open，呢班波近兩次主場出擊都分別3度撕破阿些斯奧同尼斯防線，今季亦都有喪贏索察6：2同大炒迪安5：1兩場代表作，個大有成2.02倍博得過吖。