巴塞大騷謝幕

猪拉多纳

美斯爭神射手＋哥迪奧拿聯賽最後一仗＋貝迪斯風流波等如入球騷！周日凌晨巴塞西甲煞科戰作客貝迪斯，球隊冇心理壓力必攻得更勁，美斯上仗入四粒勒唔住，加上近四仗總入球都達四球或以上，大細中位數調到3.5球冇有怕，照捧大！

（now 632周日凌晨4時直播）

哥迪奧拿早前宣布季尾離隊，故今仗係佢聯賽最後一戰，呢位教頭甚得人心，一眾主力必希望大勝向佢致敬，並為嚟緊西班牙盃決賽造勢。巴塞西甲衞冕失敗，球隊只為名譽而戰，所以毫無心理壓力，美斯、柏度洛迪古斯、法比加斯等必盡情數胡，入球肯定滾滾來；而隊長佩奧爾受傷缺陣，亦增加失波機會。
對賽例演入球騷

貝迪斯有射手辛達告魯斯復出，中場比納特腳風又順，主場謝幕戰無謂縮，會同巴塞鬥攻，合演充滿娛樂性一仗。翻查兩軍近六次對賽，總入球數場場達四球或以上，加上巴塞上季聯賽煞科戰，輕裝作客馬拉加照贏３比１，今仗又點可以唔追大盤？