舊生爭標劏聖達菲聯

猪拉多纳

英超、西甲、意甲幾個主流聯賽周日煞科，今日賽事選擇較少，阿King改玩阿根廷波，阿甲紐維爾舊生主場迎戰聖達菲聯，紐維爾舊生對上一次贏得聯賽冠軍已係八年前，難得今季表現回勇有力爭標，球會上下都希望可以一鼓作氣威番鋪，聖達菲聯位列中游戰意一般，加上作客一向係弱項，主W可作為過關重心。

（周日凌晨3時10分開賽）
獨立隊男生隊「大」作戰

紐維爾舊生目前跟榜首小保加同得廿五分，由於後者要兼顧自由盃，紐維爾舊生如果保持水準，要繼○四年後再捧阿甲錦標並非空談。球隊今季成績咁好係因為主場發揮理想，聯賽六戰四勝一和一負。計算近三年聯賽平均分，聖達菲聯暫冇降班威脅，而且目前喺聯賽榜又位列中游，戰意肯定不及主隊。單計作客聯賽聖軍已經兩連敗，離開自己地頭凶多吉少。

另外兩場賽事，獨立隊主場鬥男生隊，兩軍近況俱佳，而且對上三次交手合共炮製十二個入球，今場捧大盤。貝格拉諾主場對拉費爾拿則剛好相反，兩支都係擅守不擅攻球隊，預料入波唔會多，捧細盤啱數。