萊切爆基博翻生

猪拉多纳

意甲今夜煞科，前列烏甸尼斯、拿玻里、拉素及國際米蘭為最後一個歐聯席位爭崩頭，榜尾三萊切亦要搏命追熱拿亞，今晚佢哋作客基爾禾，唔贏就拜拜，鬥志十足下，巨高捧萊切客W。

（周一凌晨2時45分開賽）

萊切落後熱拿亞三分，熱拿亞只要在主場對巴勒莫（足智彩不受注）拎一分就肯定護級成功，如果熱拿亞輸波而萊切贏波，兩軍就要計對賽成績，基於雙方兩循環均打和，而萊切得失球較好，意味熱拿亞輸而萊切贏，後者就能奇迹護級成功。
拿玻里投「錫」問歐聯路

雖然萊切近況麻麻，但所輸對手包括費倫天拿及帕爾馬實力較好，萊切失分屬非戰之罪，今次對住無欲無求嘅基爾禾，萊切鬥心爆棚下，有望踢番場好波。基爾禾早已上岸，已連續六場冇贏過，證明球員都無心戀戰，難以阻萊切搶三分。

另外，同時間舉行嘅拿玻里主場對錫耶納，拿玻里要搶上第三位，首要條件係贏波，仲要烏甸尼斯及拉素齊齊輸波。

雖然機會不大，但拿玻里出名鬥志好，主場出擊當然贏咗先講。錫耶納作客績差，更何況早已上岸鬥志成疑，早前主場就大敗畀AC米蘭1比4，捧拿玻里「讓球主勝」。