美斯謙創富坊

猪拉多纳

今次首名入球推介睇中一場英超賽事，史雲斯主場對利物浦，兩隊波依家都冇嘢好爭，今場例行公事表面睇落唔多吸引，但對唔少史雲斯球員係上位踏腳石，其中冰島中場基菲爾施古臣近期成為大紅人，盛傳獲阿仙奴同紐卡素等球隊睇中，為咗進一步提升身價，今次面對「紅軍」必然會騷哥利，呢位中場射術精湛，利物浦防守唔算穩，佢好有機會先拔頭籌！（有線64台周日晚10時直播）
項目︰半場主客和

推介︰阿些斯奧半場和

講到半場主客和，最好找一些實力相近、入球能力麻麻、半場未必分出勝負的場次，今日就睇中法甲阿些斯奧主場對里昂。（周一凌晨3時開賽）唔好睇阿些斯奧只排第十六，其實他們近八場主場賽事，有七場於半場與對手打和，表現硬淨。里昂今季作客演出保守，加上雙方近六次交手，竟有五次半場打成平手，一於再追。
項目︰半全場

推介︰利雲特主主

畢爾包剛於歐霸決賽功虧一簣，力疲心傷，既已穩奪來屆歐霸參賽資格，今場冇任何動機要同利雲特火併。相反，利雲特仍有些微爭歐聯入場券的機會，至少都要力保歐霸席位，今仗有主場之利，遇上無心戀戰的巴斯克軍團，仲唔一開波就搶韁盡快入波咩，主主屬心水之選。（周一凌晨2時開賽）
項目︰單雙

推介︰波爾多雙

法甲全線「雙」賠率都開出偏低嘅1.75倍，鍾意捧「雙」的話就一定要留意。其中一場由波爾多主場對羅連安特，數據上對「雙」頗有支持。今季羅連安特作客開「雙」比率超過七成，至於波爾多聯賽主場亦經常開「雙」，至今錄得六成七。主客兩隊都對利好「雙」，今場要(目及)實。（周一凌晨3時開賽）
項目︰讓球

推介︰小保加上盤

阿甲聯賽小保加主場對沙士菲，榜首小保加現時同紐維爾舊生及堤格雷咬得好緊，一分都不能少，今仗爭勝意慾極高。

事實上，小保加主場已累積五連勝，今仗當然要食住呢股強勢，一舉擊敗對手。沙士菲過去兩次作客小保加，都輸波而回，主隊小讓平半非常抵玩，要上盤。

（周一早上6時15分開賽）
項目︰第一隊入球

推介︰車頓咸

英乙升班附加賽四強首回合，車頓咸主場對托基聯，由於係兩回合賽制，車頓咸必定趁有地利，全力搶攻，力爭先拔頭籌，為晉級奠定基礎，踢法肯定搶韁。相反托基聯應會先做好防守，等次回合返主場再搏殺，踢法比較被動，預計車頓咸較大機會成為先開紀錄嘅一隊。（周日晚7時開賽）
項目︰半場大細

推介︰祖雲達斯半場細

祖雲達斯提前一周取得意甲冠軍，煞科日主場對冇嘢爭嘅阿特蘭大係例行公事。「斑馬隊」戰意減退，好難期望佢哋好似之前咁積極搶攻，「半場細」值得留意。其實阿特蘭大近期入球唔係多，近場五場更全數開出「半場細」。相信今場「祖阿」都係交投淡靜，「半場細」有1.65倍值得留意。

（now 633及660周日晚9時直播）
項目︰總入球

推介︰車路士5、6球

今次總入球揀場英超例行公事，車路士主場對布力般流浪，車仔無望爭入前四，布力般則已鐵定降班，由於車路士要備戰歐聯決賽，預計會收起部分主力，但後備前鋒費蘭度托利斯希望證明自己，若可落場肯定會全力搏殺。

布力般係聯賽作客失球最多球隊，今季作客曼城同紐卡素等前列球隊都失三球，對阿仙奴更大敗一比七，失球數字有保證，預期今場會有大量士哥，博總入球「5」、「6」！

（有線61台周日晚10時直播）