蒙彼利埃翻嗒里爾

猪拉多纳

一係今季攞，一係永遠都冇！蒙彼利埃可唔可以首奪法甲冠軍，今晚主場對「3哥」里爾一戰最關鍵！雖然蒙彼利埃今仗有主力停賽，但佢哋往績佔優，朱楓睇好蒙彼利埃可以再下一城，平手盤撐主隊，坐和望贏！（now631台周一凌晨3:00直播）
近3次主場鬥里爾全勝

法甲仲有兩輪煞科，家陣榜首蒙彼利埃領先第二及第三嘅巴黎聖日耳門同里爾，分別只得3分同5分，爭標形勢超緊湊。賽前蒙彼利埃會長尼高連猛叫班球員今季一定要攞冠軍，否則以巴黎聖日耳門嘅財力，可能之後一世都冇機會再上榜首。係，蒙彼利埃今仗有法甲最佳非洲球員貝漢達停賽3場，但佢哋仲有射手基奧特掛帥，呢位法國新貴之前2次對里爾都有波入，配合中場校炮重心拉甘比刑滿復出，火力仍然靠得住。

里爾上仗主場大勝卡昂，肯定取得前3攞到下季歐聯資格，對佢哋嚟講算係超額完成任務，今仗或有所鬆懈。更何況蒙彼利埃自09年重返甲組後，3次喺聯賽主場對里爾全勝，格食格味濃，里爾今晚想作客搶分實在唔易。