馬拉加維拉利爾「主」「細」夾攻

猪拉多纳

今晚西甲煞科，榜尾除咗桑坦德篤定降班，同希杭大半隻腳踩番落西乙之外，CF格蘭納達、華歷簡奴、維拉利爾同薩拉戈薩邊隊陪葬好難講。「亨利」今晚揀咗馬拉加1.8倍「主勝」射維拉利爾1.95倍入球細二串一，希望可以幫到各位《太陽波經》嘅「巴打」，搵番多少暑期使費！（開賽時間：周一凌晨2:00）
馬拉加為歐聯資格搏命

馬拉加上場作客對住爭下屆歐聯資格主要對手馬體會，唔係一次換人調動犯錯，畀對手乘虛而入追和嘅話，一早就「印印腳」提早為出年踢歐聯做準備啦！今晚佢哋只要攞晒3分，就可以攞到歐聯外圍賽入場券，加上主場戰績有保證，同埋對家希杭幾乎肯定護級失敗隨時冇心機踢，試問仲點喺馬拉加地頭搞搞震？一於要馬拉加「讓球主勝」。

至於另一隊護級分子維拉利爾，對住近況大勇兼啱啱捧埋歐霸盃嘅馬體會，計落條數「黃色潛艇」今場只要攞到1分都好大機會護級成功，上場佢哋作客對住華倫都係死守到補時階段先失波，今晚迎戰舟車勞頓又未慶祝完嘅馬體會，維拉利爾肯一心求和死守嘅話，應該唔難攞到續命1分，所以揀入球細啱晒數，射落馬拉加個「主勝」弗晒！