史堤芬納治旺爆抵「錫」

猪拉多纳

英甲升班附加賽4強次回合今晚上演，錫菲聯喺主場對史堤芬納治，讓波唔穩陣。原本錫菲聯有機會直接升班，可惜射手卓雲伊雲斯唔生性捲入強姦案踎監，相反史堤芬納治旺到爆廠，1.9倍「讓球客勝」值得捧場。（開賽時間：周二凌晨2：45）

卓雲伊雲斯被判入獄5年之前，今季聯賽勁入29球，帶挈錫菲聯6連勝直指聯賽第2名。點知佢一出事，錫菲聯突然散晒，近4戰得3和1負，計埋首回合踢成0：0，期間2次對史堤芬納治都W唔出，可想而知佢缺陣嘅影響有幾大。更慘嘅係比亞堤停賽，加斯威爾好番冇耐未夠狀態，前線選擇唔多。

對家史堤芬納治季中有領隊韋斯特利跳槽到普雷斯頓，但估唔到，1月上任嘅加利史密夫同樣有料，球員時代富咸出身嘅佢，之前只係做過科羅拉多急流教頭，點知回流英甲發展更掂，近15場領軍有5勝9和1負，信得過佢，吼「讓球客勝」。

首回合：錫客和0：0
英甲升班附加賽賽制：

採主客兩回合淘汰制，今輪為4強次回合，不設作客入球優惠，若總比數相同，將於次回合後加時作賽，再和就互射12碼決勝。
德國聯賽附加賽賽制：

採主客兩回合淘汰制，今輪為次回合，若總比數相同，作客入球較多一隊獲得來季德乙資格，再和則於次回合後加時作賽。若加時入球數字相同，客隊將憑作客入球優惠勝出，若加時沒有入球，則需互射12碼決勝。