莫迪洛辛堡「-1」拍住上

猪拉多纳

挪超周中快車推介莫迪同洛辛堡「讓球主勝」，兩支爭標球隊近況都好，分戰下游分子費德列斯達及漢福斯，相信唔止贏一球咁少，想穩陣嘅可以整條熱W二串一，串埋有1.7倍都唔錯。

（周四凌晨零時開賽）

今輪有場華拉倫加對史達比克取消，因為史達比克球員被發現於奧斯陸一個地盤高處墮下死亡，球會喺當地時間周二晚進行悼念儀式，本周各場挪超開波前都會有默哀儀式。

講番波，莫迪經過季初一輪低潮，喺教練蘇斯克查調教下重回正軌，作客嘅費德列斯達兩名防守主力受傷，仲有塞拉利昂中場查比停賽，莫迪主場可大勝一場。至於洛辛堡同樣喺主場出擊，面對作客四戰只入兩球嘅漢福斯，贏少過兩粒當輸啦！