艾查捷拉大騷娛賓

猪拉多纳

今日比賽唔多，有兩場屬於亞冠盃十六強賽事，其中艾查捷拉於主場迎戰吉達艾阿里，兩隊踢法充滿娛樂性，相信會炮製一場入球騷娛賓，捧有1.78倍的入球大，隨時半場就收錢。（周二晚11時45分開賽）

從晉級過程中，不難發覺雙方均屬有前冇後、打死罷就的球隊，阿聯酋球隊艾查捷拉近八場得失球係17比16，這種比對方多入一粒就贏波的比賽哲學，直接製造了多場大手交易。至於沙特阿拉伯「二哥」吉達艾阿里仲犀利，齋睇近八場賽事，就開咗七次大，何況今仗係一場過決勝負，艾查捷拉因首名出線獲得主場之利，一定全力搶攻冇保留，吉達艾阿里亦唔會坐以待斃，精彩可期，與其估邊隊贏波，捧入球大仲穩陣。
伊朗內戰撐艾斯迪格拿

另一場亞冠十六強賽係伊朗內訌，由沙巴罕主場對艾斯迪格拿，兩隊於聯賽經常對壘，已熟晒對方套路，他們近三次對賽，竟無一例外踢成一比一，預計他們的謹慎踢法唔會大變，由於艾軍受讓，斯維力撐「讓球客勝」。