巴塞畢勝無歸

猪拉多纳

西班牙盃決賽上演「徒弟鬥師傅」，畢爾包教頭比爾沙貴為進攻大師，但面對巴塞猶如「小學雞」，鬥攻之下盞死快啲；巴塞眾星都想好頭好尾，以一個獎盃歡送主帥哥迪奧拿，今場唔會留手，「讓球客勝」有計。（now 632周六凌晨4時直播）

無論是控球率、進攻瓣數、前場壓迫等，好多人都話畢爾包踢法極似巴塞，但這建基於整體合作上，論個人質素，「巴斯克軍團」始終稍遜，遇上實力較強的球隊，畢軍過於壓前的防守漏洞就表露無遺。從歐霸決賽中，馬體會僅憑法卡奧、迪亞高二人就搞到該隊防線大亂，便可見一斑。比爾沙係個理想主義者，佢唔會輕易改變磨合了一年的打法，而防中安達靴里拉及伊度拉斯比上陣成疑，更不利畢軍爭勝。
畢爾包「徒弟鬥師傅」

巴塞是這種控球型進攻打法的鼻祖，雖有丹尼爾及佩奧爾因傷缺陣，但格食格下一定唔赦畢爾包，倘若畢軍不顧一切主動出擊，盞自暴其短死快啲。而且，呢場係哥迪奧拿最後一次為巴塞領軍，美斯、沙維、恩尼斯達表明要用贏波為哥帥餞行，當「地上最強」認真作戰，相信冇幾多隊能抵擋得住。

事實上，除西超盃、歐超盃、世冠盃這些非重要錦標外，巴塞至今仍四大皆空，如果唔想冇盃落袋，呢場對畢爾包實在不容有失，「讓球客勝」屬不二之選；預計雙方為爭標會豁出去，唔愁冇波入，入球大值留意。
近10屆西盃決賽成績

年份 　　　　　　　　戰果

2011 皇家馬德里 0:0 巴塞隆拿（皇加時勝1:0）

2010 西　維　爾 2:0 馬德里體育會

2009 巴塞隆拿 4:1 畢爾包

2008 華倫西亞 3:1 基達菲

2007 西　維　爾 1:0 基達菲

2006 愛斯賓奴 4:1 薩拉戈薩

2005 貝　迪　斯 1:1 奧沙辛拿（貝加時勝2:1）

2004 皇家馬德里 2:2 薩拉戈薩（薩加時勝3:2）

2003 馬　略　卡 3:0 維　爾　瓦

2002 拉科魯尼亞 2:1 皇家馬德里