西班牙W易過食生「塞」

猪拉多纳

未齊腳嘅西班牙今晚會喺瑞士聖加倫中立場，同塞爾維亞踢場熱身賽，論實力「狂牛兵團」就算出部分副選，始終仲係高出一截。加上塞軍新帥米赫洛域啱啱接手，試陣味濃恐怕難逃一敗，1.87倍「讓球主勝」夠晒穩陣！（開賽時間：周日凌晨0:00）
卡斯拿斯贏波即平紀錄

巴塞主將沙維、恩尼斯達同畢爾包嘅洛蘭迪等啱啱踢完西盃決賽未歸隊，費托同桑馬達就日內向大軍報到，預計今晚就算趕得切都唔會擔正。好在佢哋仲有大衞施華、查維加西亞、蘇爾達杜等孭飛，始終主帥迪保斯基要將名單由27人減到23人，球員落場邊可以唔搏？而且門神卡斯拿斯今晚只要贏波，就攞到個人國家隊生涯第94勝，追平法國名將杜林保持嘅紀錄，鬥牛兵戰意唔成問題。

塞爾維亞新帥米赫洛域早幾日先上任，球員肯定適應需時。大軍今次點兵放棄咗好多老將，有4人仲係初次入選。雖然防線叫做仲有伊雲洛域同蘇保迪頂住，但面對西班牙呢個對手好難有運行！