千二米上名率高 蔡明绍谷战得胜

猪拉多纳

　　今季蔡明绍在谷草成绩属中上，取得14冠13亚16季，称得上係上名率较高一族，比率超过36%；而14场头马之中，有接近半数来自1200米，而在该程表现一直好好，纪录为6冠6亚6季5殿17负，上名率接近6成，唔查过都唔知佢咁叻。

　　呢晚快活谷赛事，设有4场1200米，蔡明绍场场有马出，其中2匹更是刚刚胜出，或是有往绩支持，係得隻「震撼」唔知乜头乜路，照道理，应可连场有成绩交出。

　　佢其馀3匹坐骑「大少爷」、「顺利得胜」及「讚赏」，前两驹啱啱赢完同一路程，後驹则曾经在二班赢完又赢，试问呢3驹点会带挈唔到蔡仔。

　　第三场「大少爷」及第七场「顺利得胜」，赢完係加咗分，由於未升班，排档唔係差，未至於影响太大，抢得出，随时又放到。

　　讚赏一档放到

　　尾场「讚赏」，今季在一班赛未叻过，一直处於坐马监时期，不过，近仗开始愈来愈输得接近，终於今仗回到二班赛，即刻拣回三胜路程1200米，有运抽埋1档，可能一口气带到。

Jack