荷蘭計時炸彈大爆炸

猪拉多纳

荷蘭上周末大意失荊州不敵保加利亞，今晚熱身賽主場迎戰斯洛伐克肯定打醒十二分精神，不過從近期所見，球隊防線仍有不少漏洞，主W偏熱唔抵玩，寧捧入球大。

（周四凌晨2時30分開賽）

荷蘭上場對保加利亞先勝後敗，領隊雲馬維克對後防接連犯錯嬲到爆，計埋之前一場對拜仁輸二比三，防線不穩問題絕非一朝一夕。事實上荷蘭近年表現比較出色嘅大部分都係中前場球員，防守方面好似雲邦美、希汀加、保拿奴斯與及上場傷出嘅馬菲臣全部都係計時炸彈，難怪對上四場熱身賽合共失咗十球之多。
冰島大起瑞典

斯洛伐克冇份出戰歐國盃，成為不少球隊拍跳對象，上仗佢哋○比一不敵主辦國之一波蘭，表現其實唔失禮，既然荷蘭防線有隱憂，今場捧大盤比主W更穩陣。

另一場瑞典主場對冰島，冰島上仗作客法國半場一度領先二比○，演出予人驚喜，追大盤啱數。（周四凌晨2時15分開賽）