列貝利要做法國「大」佬

猪拉多纳

法國今晚喺熱身賽對塞爾維亞，繼續追入球大！依家法國班守將冇個掂，齋靠列貝利喪攻搭夠，撞啱對家塞爾維亞新帥米赫洛域要喪攻攞威，應該開到入球騷。（有線61、64、201及204、now714台、廣東體育周五凌晨3:00直播）

日前法國對冰島，半場竟然落後兩球，條防線同穿窿冇分別，好彩，法國鋒線由賓施馬、列貝利同拿斯尼組成，卡士十足，而且列貝利上仗打破國際賽入球荒，依家信心爆棚，希望用士哥重新奠定佢嘅國家隊大佬地位，唔憂冇波入。

對家塞爾維亞新教頭米赫洛域上任後，首戰領軍以0:2不敵西班牙，雖然費倫中場拿積因為唔肯唱國歌被叮走，但塞軍依然有蘇蘭托錫同伊雲洛域壓陣，相信米赫洛域唔會選擇等死，對攻格實多波入。