荷蘭強陣玩殘北愛生牯仔

猪拉多纳

荷蘭今晚喺歐國盃前終極熱身賽主場對北愛爾蘭，雖然中場大腦史奈達受傷多數避戰，但北愛擺明拉雜成軍，領隊米高奧尼爾更徵召大班U21湊熱鬧，根本唔在乎勝負，荷蘭強陣「-2」都要捧1.7倍「讓球主勝」。（now632台周日凌晨2:00直播）
北愛徵召多名U21試陣

日前荷蘭以2:0解決斯洛伐克，中場史奈達同後衞保馬勇戰受傷，不過教頭雲馬維克好有信心，佢哋可以及時康復出戰歐國盃。之但係唔好忘記，荷蘭前線攻擊球員勁多，射手亨特拉爾同中場雲達華治都唔算係必然正選，難得史奈達有傷，相信佢哋會把握機會表現自己，避免歐國盃坐多過踢。

睇番對保加利亞同斯洛伐克嘅熱身賽正選陣容，其實荷蘭排得好認真，翼鋒洛賓上場更加做番正選，證明雲馬維克唔係玩玩吓。相反，北愛有包括中場史堤芬戴維斯、布拉特及拜阿迪眾多主力休戰，領隊米高奧尼爾上個月專登睇U21比賽，召入多個新仔應付今場友賽，試陣格局隨時變炮灰。