葡萄牙U21爭首名尼料

猪拉多纳

歐國盃開波前，今晚有U21歐國盃外圍賽F組賽事，葡萄牙U21主場對阿爾巴尼亞U21。葡國青訓出名勁，屬U21級別強隊，球隊目前急需搶分爭出線，遇着未入流嘅阿爾巴尼亞U21，讓球主客和「-2」照捧。

（有線155台周四凌晨4時直播）

根據賽制，小組首名以及四支最佳成績次名球隊，先至可以晉級附加賽階段，換言之即使排小組第二位亦好可能出局。葡萄牙目前落後榜首俄羅斯一分，兼踢多一場，如果要爭首名，餘下兩場不容有失。以葡萄牙小國腳嘅質素，只要肯認真比賽，好難有對手可以抵擋到佢哋，上仗硬撼俄羅斯全取三分，證明佢哋實力屬於呢組最強。葡軍現時處於爭出線關鍵，必定全力搏殺。
阿爾巴尼亞未夠班

阿爾巴尼亞U21只屬陪跑分子，五戰僅一勝，而且只係以四比三險勝魚腩摩爾多瓦，級數未入流，今鋪輸少當贏。