費古倫斯「客勝」捧得過

猪拉多纳

費古倫斯今季開局唔錯，前鋒卡奧簡尼度腳風又順，聽朝喺巴甲作客仲未執好嘅哥連泰斯，應該至少可保不敗，朱楓會捧2.45倍「讓球客勝」！（開賽時間：周五早上8:00）

因為近期要兼顧自由盃，哥連泰斯開季2場巴甲都派副選應戰，結果全敗兼食白果，雖則話自由盃4強要到今個月14號先踢，哥連泰斯今仗可以派強陣應戰，弊在遇着傷兵潮，中場陳志釗同中堅保羅安德列等7名球員仲未好番，後衞法比奧山度士更要停賽。雖話新簽嘅前鋒、綽號「超級衝擊」嘅羅馬連奴今場有望處子披甲，但始終加盟無耐，難起到即時作用。

對家費古倫斯就唔同喇，一開季喺巴甲就取得1勝1和保持不敗，當中由保地花高借入嘅前鋒卡奧簡尼度仲連續兩場有波入，今季新加盟後表現對辦嘅中堅安達臣干斯卡奧，賽前更指有信心用自己嘅1.88米身高轟散哥連泰斯防線，信心大到咁真係好值得支持o架！