日聯盃砂岩唔赦三箭

猪拉多纳

日本聯賽盃A組爭持激烈，榜首三隊同得九分爭崩頭，當中包括鳥棲砂岩，呢支升班馬今輪作客廣島三箭，對手已經鐵定出局，唔慌落力，可捧「讓球客勝」！（周六下午3時開賽）

鳥棲砂岩今季表現令人眼前一亮，呢支球隊毫不起眼，成日都有得受讓，但戰績非常好，絕對係下盤客甜心。砂岩改戰盃賽同樣有料到，喺日聯盃分組賽四戰贏三場，包括上仗戰勝實力分子浦和紅鑽，現時仲有機會出線，當然唔會放軟手腳啦！廣島三箭今季專心踢日職，於日聯盃四戰僅得一分肯定出局，今戰隨時hea踢，讓波信唔過。

同日日乙當紅球隊FC橫濱作客德島漩渦，橫濱以往水準飄忽，但近期發揮穩定已連贏五場，今次作客漩渦又有得受讓，要「讓球客勝」！另外，福岡黃蜂近況低沉，對上五次主場賽事都贏唔到，連主場威力都冇埋，實在冇乜本錢搶分，今仗主場出擊都讓唔起北九州向日葵。