如果我係鶴臣 守法是福

猪拉多纳

英格蘭今屆陣容殘缺不全，D組首戰立即遇上正在復甦中嘅法國，表面睇形勢不妙，不過一枚硬幣有兩面，英格蘭如能把心一橫，以務實有紀律踢法迎敵，要守和法國仍係可能。
放下包袱踢簡單足球

英軍請來鶴臣領軍，很多人都唔睇好，但聘用地道英國佬做領隊，起碼同聲同氣，不過朗尼停賽、又冇林柏特、又冇里奧費迪南，可以點辦？

如果由我做領隊，我會用簡單穩守踢法，英格蘭欠星味，好處係冇包袱，大可放棄進攻足球，立定主意由防守做起，首戰對法國以不敗為目標，再從瑞典及烏克蘭求取至少一勝，自可完成出線任務。

法國有板有眼，不過主力列貝利、賓施馬踢法大家見慣見熟，英軍必須保持強勁體能及紀律。如果英格蘭按照我嘅方法比賽，平手盤可小敲英軍。

同組烏克蘭對瑞典，我勸大家眼看手勿動，因為兩隊各有不足，亦預不到兩隊情況，反正還有兩場小組賽，先觀察，再落注也不遲。
德國具備奪冠條件

德國擊敗葡萄牙，旗開得勝，德軍防線由三個拜仁加一個多蒙特後衞組成，固若金湯，中前場有組織，高波煞食，具備奪冠條件。

金句：最陣容不整的一屆　就是最容易打的一屆