瑞典踢法進取角球唔會少

猪拉多纳

瑞烏戰嘅角球大細中位數係9.5球，睇番瑞典喺外圍賽踢10場有7場嘅角球都到雙位數，始終佢哋踢法直接進取，配合埋東道主烏克蘭都會搶攻向主場球迷交代，大家快上快落，來回攻勢多，瓣1.7倍「角球大」抵玩o架。至於法英戰，英軍冇朗尼火力大減，外圍賽佢哋8戰多達7場都係角球少過9個，以今場角球中位數又係9.5球計，2倍「角球細」都係熱得有理。

另外嘅球員事件項目，賓施馬係法國入球希望，被換出機會微；打前鋒犯規唔多，攞牌機會細；撞正佢今季腳風順，博佢最先出現「入球」，3.75倍都幾吸引。瑞典伊巴謙莫域反而出名脾氣臭，6倍博佢先「被罰黃牌」，話唔定有意外收穫o架！