橫濱鬥三神旺大

猪拉多纳

日乙周中開快車，今次阿King睇中FC橫濱主場對大分三神一戰，橫濱六連勝氣勢如虹，前線個個都弗，今次又會繼續喪攻。不過，三神主力前鋒森島康仁腳風亦順，兩隊都識入波，捧大啦！（周三晚6時開賽）

FC橫濱季初表現好飄忽，上月初突然發力，連續六場贏波，每場最少入兩粒，仲試過以5:2大勝鳥取飛翔，雖然對手唔算強，但都要有強勁火力先可以大炒對手。橫濱進攻主力大久保哲哉同卡奧菲臘比都弗，有士哥本錢。三神箭頭森島康仁近兩場入三球，表現搶鏡，今次會同對手死過。翻查往績，橫濱近六次主場對三神全部大晒，大盤分頭唔差捧得過。
市原綠茵齊捧「讓球勝」

同日千葉市原主場對鳥取飛翔，論表現近期市原作客明顯踢得好過主場，不過，呢班波本身喺日乙實力超班，冇理由踢唔掂主場賽事，今次對住下游球隊係改善主場戰績最佳機會，相信佢哋可以輕鬆贏波，要「讓球主勝」！

另外，東京綠茵主場對FC岐阜，呢場又係強弱懸殊之戰，岐阜早前作客贏市原只係符碌之作，大軍近三次對綠茵最少輸兩球，今場又係要「讓球主勝」。