睇死尹佩斯冇料到被換走

猪拉多纳

足智彩特別項目今日為兩大球星C朗同尹佩斯開盤，其中首仗對住丹麥屢失良機嘅荷蘭前鋒尹佩斯，今仗9.5倍被調出最值得諗。

荷蘭首仗不敵丹麥，尹佩斯演出備受批評，不過主帥雲馬維克話明今仗變陣機會唔大，只係尹佩斯家陣腳風麻麻，博佢先入波似乎難啲，攞紅黃牌佢又唔似咁躁，反而一旦半場同德國未分勝負，斷估雲馬維克唔敢擺大頭踢兩前鋒，反而會用亨特拉爾頂替佢，9.5倍先被調出值博呀！至於「荷德戰」角球大細中位數係10.5球，德國上仗全場只有2個角球，荷蘭圍攻丹麥亦得11個，但今晚對德國唔會有咁多機會，角球數會約略減少，佢哋對碰都係博1.7倍細穩陣。