野外桃源爆73倍W

猪拉多纳

作為馬會12大董之一嘅利子厚，養馬運一直都欠佳，無論係同老友夾份抑或自己名下嘅「熱鬥戰士」、「熱鬥勇士」、「擦出火」同埋「奧馬精神」都係三零部隊身份出局。不過，今個月佢同拍咗拖近三年嘅外蒙古女友Munkhzul Odkhuu拉埋天窗後，似乎老婆大人立即帶嚟好運，事關佢名下嘅質新馬「野外桃源」，尋日喺第二場四班1000米直路賽擒低「翡翠明星」，爆出73倍大冷Ｗ開齋。唯一美中不足嘅係利子厚依家喺土耳其同老婆舉行婚禮，唔可以親自拉頭馬。
       
野外桃源（右）力壓翡翠明星，打開勝門。
轉跑直路變招得手

賽後徐雨石就話「野外桃源」跑咗兩場轉彎路程田草1200米一無是處，而呢隻馬之前試一千米草地閘走勢都唔錯，今次就試吓跑直路賽，點知變招得手，佢都覺得有少少意外。