德國風頭躉避之則吉

猪拉多纳

歐國盃奪標熱門德國分組賽全勝大熱出線，嚟緊八強會喺下線對希臘，至於上線已確定場次係捷克對葡萄牙，截稿時仲未知C組情形如何。不過，Peter相信好多領隊都唔想撞德國。

去到D組最後一輪分組賽展開時，D組球隊已知道出線後會同邊隊交手，佢哋最着數之處就係打最後，可以睇清楚局勢再作部署。Peter認為有機會出線嘅英格蘭、法國同烏克蘭都會考慮埋走線，因而直接影響賽果。
D組兩仗吼和波

先講法國，佢哋對住瑞典勝算高唱入雲，法軍現時人強馬壯，預期可於瑞典身上攞晒三分。不過佢哋打和同樣可以出線，若然和波次名出線會打上線，首名晉級反而會落下線，隨時要鬥德國，難保法軍會三心兩意。

同組另一場英格蘭對烏克蘭，烏克蘭如果想晉級一定要贏，後防一定會有更多空間畀英格蘭班前鋒爭取入球，加上英軍有朗尼復出，佢哋若然入咗一球後，亦可以慢慢睇定局勢，未必需要保住勝局取得小組首名。

如果大家以陰謀論觀之，絕對要考慮呢一點，作為菠菜者，呢個局咁難拆，又點樣押大注呢？Peter認為呢場以睇波為主，如果有心買多少，建議大家整條1比1波膽2串3好過，以刀仔鋸大樹形式玩吓，避免因為球隊走線招致損失。
金句：歐國盃分組賽壓軸戰，電腦也拆解不到的亂局！