沙蘭迪兵工廠大炒「格」

猪拉多纳

阿甲秋季聯賽今晚上演煞科戰，其中「一哥」沙蘭迪兵工廠會喺主場對貝格拉諾。沙蘭迪近況勁到爆，今仗對住已無嘢好爭嘅貝格拉諾可謂穩操勝券，睇好沙蘭迪坐底可以贏2粒，奪得球會史上首個聯賽冠軍，捧2.38倍「讓球主勝」！（開賽時間：周一凌晨2:00）

沙蘭迪兵工廠目前同堤格雷一樣得35分，咁啱得失球差亦一樣，僅比堤格雷多入2球排榜首，若想捧走球會史上首個聯賽冠軍，今晚唔止要贏波，最好梗係入多幾粒拉開得失球差啦！朱楓覺得沙蘭迪今晚絕對有本錢做到，事關佢哋去到季尾愈戰愈勇，上場作客更大炒競爭對手小保加3:0，將不敗紀錄增至6場，當中一對箭頭施拉耶同歷古森蒙，喺呢6場賽事合共轟入8球，況且今場無傷兵同停賽問題，要喺主場贏2粒或以上話都無咁易。
貝格拉諾風流波信唔過

對家貝格拉諾目前排第12位，既無緣爭標，亦無降班危機，今場對佢哋嚟講名副其實係場「風流波」，更何況貝格拉諾作客成績一向麻麻，得3勝1和4負，落敗率達50%，兼且今仗有前鋒施薩佩雷拉繼續倦勤，就算有正選門將桑卡路士奧拿夫刑滿，想做「攔路虎」都唔係咁易。