波特蘭聖荷西鬥駁火

猪拉多纳

歐國盃告一段落，主流聯賽又未開咧，不如玩住美職先！聽朝波特蘭伐木者主場迎戰聖荷西地震，小妹就睇好聖荷西造訪波特蘭會繼續喪攻，一於捧1.85倍入球大！（開賽時間：周三早上10:30）

聖荷西地震今季得11勝3和3負，創下球會史上最佳開季，佢哋嘅主攻踢法絕對令球迷如癡如醉，上場對住星光熠熠嘅銀河都冇有怕，大踢對攻戰勝4:3，崇尚進攻足球嘅小妹當然Like爆啦。
聖荷西搞假髮日表揚連赫特

不得不提嘅係佢哋嘅王牌射手連赫特，佢今季已經入咗5球，有佢同雲度路斯基拍住上，要開入球騷絕對唔難。小妹仲知道聖荷西地震會喺今個月29日對芝加哥火燄場波，舉行「連赫特假髮日」，向2,500位球迷大派呢位王牌鋒將嘅招牌金色爆炸頭假髮，等班粉絲可以向偶像致敬。

不過就算聖荷西戰績有幾掂，小妹都唔敢直取客W，皆因主隊波特蘭伐木者近7次主場只係輸過1仗，而且射手基斯保迪近態唔錯，有力同聖荷西抗衡，所以都係博兩隊駁火做大騷穩陣啲。