哥連泰斯W有保證

猪拉多纳

南美自由盃明早上演次回合終極決戰，巴西球隊哥連泰斯回師主場迎戰阿根廷球隊小保加。首回合雙方打成一比一平手，由於賽制不會計算作客入球優惠，所以今仗贏波一方就捧盃。哥連泰斯主場表現一向有保證，相反小保加作客戰績一向唔突出，今仗更要遠征巴西，實在難以睇好，主W值得捧場。

（有線61及201台周四早上8時50分直播）

自由盃決賽賽制係兩回合計打和將不計算作客入球優惠，將於次回合法定時間後加時30分鐘，加時再和則互射12碼決定勝負。哥連泰斯上仗作客逼和小保加，全靠後備上陣嘅射手羅馬連奴於下半場末段追成平手，成功保住和局回師主場次回合再分高下。

哥連泰斯主場表現一向不錯，球隊今屆自由盃六次於地頭出戰，未嘗一敗之餘更贏咗其中五仗，得勝率非常高。再加上哥連泰斯上周於巴甲冇賽事舉行，養精蓄銳下相信有力於主場擊敗遠征嘅小保加。
小保加作客平庸

小保加上仗喺球王馬納當拿觀戰下，由後衞朗卡尼亞先開紀錄，可惜最終未能於主場高奏凱歌。主場未能先拔頭籌對小保加來講影響頗大，因球隊今季作客表現只屬一般，近四仗客場出戰只得三和一負平庸戰績，今仗實在難以予人信心。阿謙較睇好哥連泰斯可於主場贏波封王，1.88倍主W值得捧場。